Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. aruaque mugitu sancite Bouaria longo:
  2. nobile erit Romae pascua uestra Forum.’
  3. dixerat, et sicco torquet sitis ora palato,
  4. terraque non ullas feta ministrat aquas.
  5. sed procul inclusas audit ridere puellas,
  6. lucus ubi umbroso fecerat orbe nemus,
  7. femineae loca clausa deae fontesque piandos
  8. impune et nullis sacra retecta uiris.