Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et Persen proauo stimulantem pectus Achille,
  2. quique tuas proauo fregit Achille domos,
  3. me neque censurae legem mollisse nec ulla
  4. labe mea uestros erubuisse focos.
  5. non fuit exuuiis tantis Cornelia damnum:
  6. quin et erat magnae pars imitanda domus.
  7. nec mea mutata est aetas, sine crimine tota est:
  8. uiximus insignes inter utramque facem.