Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. altera maternos exaequat turba Libones,
  2. et domus est titulis utraque fulta suis.
  3. mox, ubi iam facibus cessit praetexta maritis,
  4. uinxit et acceptas altera uitta comas,
  5. iungor, Paulle, tuo sic discessura cubili:
  6. in lapide hoc uni nupta fuisse legar.
  7. testor maiorum cineres tibi, Roma, colendos,
  8. sub quorum titulis, Africa, tunsa iaces,