Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. inque meis libris nil prius esse fide.
  2. nunc pretium fecere deos et (fallitur auro
  3. Iuppiter) obliquae signa iterata rotae
  4. felicesque Iouis stellas Martisque rapaces
  5. et graue Saturni sidus in omne caput;
  6. quid moueant Pisces animosaque signa Leonis,
  7. lotus et Hesperia quid Capricornus aqua.
  8. dicam: “Troia cades, et Troica Roma, resurges;”
  9. et maris et terrae longa sepulcra canam.
  10. dixi ego, cum geminos produceret Arria natos
  11. (illa dabat natis arma uetante deo):
  12. non posse ad patrios sua pila referre Penatis:
  13. nempe meam firmant nunc duo busta fidem.
  14. quippe Lupercus, equi dum saucia protegit ora,
  15. heu sibi prolapso non bene cauit equo;
  16. Gallus at, in castris dum credita signa tuetur,
  17. concidit ante aquilae rostra cruenta suae:
  18. fatales pueri, duo funera matris auarae!
  19. uera, sed inuito, contigit ista fides.
  20. idem ego, cum Cinarae traheret Lucina dolores,