Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et facerent uteri pondera lenta moram,
  2. Iunonis facito uotum impetrabile dixi:
  3. illa parit: libris est data palma meis!
  4. hoc neque harenosum Libyae Iouis explicat antrum,
  5. aut sibi commissos fibra locuta deos,
  6. aut si quis motas cornicis senserit alas,
  7. umbraue quae magicis mortua prodit aquis:
  8. aspicienda uia est caeli uerusque per astra
  9. trames, et ab zonis quinque petenda fides.
  10. exemplum graue erit Calchas: namque Aulide it
  11. ille bene haerentis ad pia saxa ratis;
  12. idem Agamemnoniae ferrum ceruice puellae
  13. tinxit, et Atrides uela cruenta dedit;
  14. nec rediere tamen Danai: tu diruta fletum
  15. supprime et Euboicos respice, Troia, sinus!
  16. Nauplius ultores sub noctem porrigit ignis,
  17. et natat exuuiis Graecia pressa suis.
  18. uictor Oiliade, rape nunc et dilige uatem,
  19. quam uetat auelli ueste Minerua sua!
  20. hactenus historiae: nunc ad tua deuehar astra;