Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. qua venit exoriens, qua deficit, unde coactis
  2. cornibus in plenum menstrua luna redit,
  3. unde salo superant venti, quid flamine captet
  4. Eurus, et in nubes unde perennis aqua;
  5. sit ventura dies mundi quae subruat arces,
  6. purpureus pluvias cur bibit arcus aquas,
  7. aut cur Perrhaebi tremuere cacumina Pindi,
  8. solis et atratis luxerit orbis equis,
  9. cur serus versare boves et plaustra Bootes,
  10. Pleiadum spisso cur coit igne chorus,
  11. curve suos fines altum non exeat aequor,
  12. plenus et in partes quattuor annus eat;