Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nunc maris in tantum vento iactamur, et hostem
  2. quaerimus, atque armis nectimus arma nova.
  3. haud ullas portabis opes Acherontis ad undas:
  4. nudus in inferna, stulte, vehere rate.
  5. victor cum victo pariter miscetur in umbris:
  6. consule cum Mario, capte Iugurtha, sedes.
  7. Lydus Dulichio non distat Croesus ab Iro:
  8. optima mors, carpta quae venit ante die.
  9. me iuvat in prima coluisse Helicona iuventa
  10. Musarumque choris implicuisse manus;
  11. me iuvat et multo mentem vincire Lyaeo,
  12. et caput in verna semper habere rosa.
  13. atque ubi iam Venerem gravis interceperit aetas,
  14. sparserit et nigras alba senecta comas,