Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. tu modo servitio vacuum me siste superbo,
  2. atque hoc sollicitum vince sopore caput.
  1. Clausus ab umbroso qua tundit pontus Averno
  2. fumida Baiarum stagna tepentis aquae,
  3. qua iacet et Troiae tubicen Misenus harena,
  4. et sonat Herculeo structa labore via;
  5. hic ubi, mortalis dexter cum quaereret urbes,
  6. cymbala Thebano concrepuere deo—
  7. at nunc invisae magno cum crimine Baiae,
  8. quis deus in vestra constitit hostis aqua?—