Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. levis odorato cervix manabit olivo,
  2. et feries nudos veste fluente pedes.
  3. mollia Dircaeae pulsabunt tympana Thebae,
  4. capripedes calamo Panes hiante canent,
  5. vertice turrigero iuxta dea magna Cybebe
  6. tundet ad Idaeos cymbala rauca choros.
  7. ante fores templi, cratere antistes et auro
  8. libatum fundens in tua sacra merum,
  9. haec ego non humili referam memoranda coturno,
  10. qualis Pindarico spiritus ore tonat: