Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. et saepe immeritos corrumpas dentibus unguis,
  2. et crepitum dubio suscitet ira pede!
  3. nequiquam perfusa meis unguenta capillis,
  4. ibat et expenso planta morata gradu.
  5. non hic herba valet, non hic nocturna Cytaeis,
  6. non Perimedaeae gramina cocta manus;
  7. nam cui non ego sum fallaci praemia vati?
  8. quae mea non decies somnia versat anus?
  9. quippe ubi nec causas nec apertos cernimus ictus,
  10. unde tamen veniant tot mala caeca via est;