Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. ac veluti primo taurus detractat aratra,
  2. post venit assueto mollis ad arva iugo,
  3. sic primo iuvenes trepidant in amore feroces,
  4. dehinc domiti post haec aequa et iniqua ferunt.
  5. turpia perpessus vates est vincla Melampus,
  6. cognitus Iphicli surripuisse boves;
  7. quem non lucra, magis Pero formosa coegit,
  8. mox Amythaonia nupta futura domo.
  1. Multa prius dominae delicta queraris oportet,
  2. saepe roges aliquid, saepe repulsus eas,