Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. hoc utinam spatiere loco, quodcumque vacabis,
  2. Cynthia' sed tibi me credere turba vetat,
  3. cum videt accensis devotam currere taedis
  4. in nemus et Triviae lumina ferre deae.
  5. scilicet umbrosis sordet Pompeia columnis
  6. porticus, aulaeis nobilis Attalicis,
  7. et platanis creber pariter surgentibus ordo,
  8. flumina sopito quaeque Marone cadunt,
  9. et leviter nymphis tota crepitantibus urbe
  10. cum subito Triton ore recondit aquam.
  11. falleris, ista tui furtum via monstrat amoris:
  12. non urbem, demens, lumina nostra fugis!