Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. hic ubi me prima statuent in parte choreae,
  2. et medius docta cuspide Bacchus erit,
  3. tum capiti sacros patiar pendere corymbos:
  4. nam sine te nostrum non valet ingenium.
  1. QVAERIS, cur veniam tibi tardior? aurea Phoebi
  2. porticus a magno Caesare aperta fuit.
  3. tantam erat in speciem Poenis digesta columnis,
  4. inter quas Danai femina turba senis.