Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. non si Pegaseo vecteris in aere dorso,
  2. nec tibi si Persei moverit ala pedes;
  3. vel si te sectae rapiant talaribus aurae,
  4. nil tibi Mercurii proderit alta via
  5. instat semper Amor supra caput, instat amanti,
  6. et gravis ipse super libera colla sedet.
  7. excubat ille acer custos et tollere numquam
  8. te patietur humo lumina capta semel.
  9. et iam si pecces, deus exorabilis ille est
  10. si modo praesentis viderit esse preces.
  1. ISTA senes licet accusent convivia duri:
  2. nos modo propositum, vita, teramus iter