Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. non ego tam facilis: sat erit mihi cognitus unus,
  2. vel tu vel si quis verior esse potest.
  3. apparent non ulla toro vestigia presso,
  4. signa volutantis nec iacuisse duos.
  5. aspice ut in toto nullus mihi corpore surgat
  6. spiritus admisso notus adulterio.'
  7. dixit, et opposita propellens savia dextra
  8. prosilit in laxa nixa pedem solea.
  9. sic ego tam sancti custos deludor amoris:
  10. ex illo felix nox mihi nulla fuit.
  1. QVO fugis a demens? nulla est fuga: tu licet usque
  2. ad Tanain fugias, usque sequetur Amor.