Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. ut natura dedit, sic omnis recta figura est:
  2. turpis Romano Belgicus ore color.
  3. illi sub terris fiant mala multa puellae,
  4. quae mentita suas vertit inepta comas!
  5. deme: mihi certe poteris formosa videri,
  6. mi formosa sat es, si modo saepe venis.
  7. an si caeruleo quaedam sua tempora fuco
  8. tinxerit, idcirco caerula forma bona est?