Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. illum saepe suis decedens fovit in ulnis
  2. quam prius adiunctos sedula lavit equos;
  3. illum ad vicinos cum amplexa quiesceret Indos,
  4. maturos iterum est questa redire dies;
  5. illa deos currum conscendens dixit iniquos,
  6. invitum et terris praestitit officium.
  7. cui maiora senis Tithoni gaudia vivi,
  8. quam gravis amisso Memnone luctus erat.