Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. terra prius falso partu deludet arantis,
  2. et citius nigros Sol agitabit equos,
  3. fluminaque ad caput incipient revocare liquores,
  4. aridus et sicco gurgite piscis erit,
  5. quam possim nostros alio transferre dolores:
  6. huius ero vivus, mortuus huius ero.
  7. quod mihi secum talis concedere noctes
  8. illa velit, vitae longus et annus erit.
  9. si dabit haec multas, fiam immortalis in illis:
  10. nocte una quivis vel deus esse potest.
  11. qualem si cuncti cuperent decurrere vitam
  12. et pressi multo membra iacere mero,