Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. quod si pertendens animo vestita cubaris,
  2. scissa veste meas experiere manus:
  3. quin etiam, si me ulterius provexerit ira,
  4. ostendes matri bracchia laesa tuae.
  5. necdum inclinatae prohibent te ludere mammae:
  6. viderit haec, si quam iam peperisse pudet.
  7. dum nos fata sinunt, oculos satiemus amore:
  8. nox tibi longa venit, nec reditura dies.