Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. quam vario amplexu mutamus bracchia! quantum
  2. oscula sunt labris nostra morata tuis!
  3. non iuvat in caeco Venerem corrumpere motu:
  4. si nescis, oculi sunt in amore duces.
  5. ipse Paris nuda fertur periisse Lacaena,
  6. cum Menelaeo surgeret e thalamo;
  7. nudus et Endymion Phoebi cepisse sororem
  8. dicitur et nudae concubuisse deae.