Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. magna ego dona tua figam, Cytherea, columna,
  2. taleque sub nostro nomine carmen erit:
  3. HAS PONO ANTE TVAS TIBI, DIVA, PROPERTIVS AEDIS
  4. EXVVIAS, TOTA NOCTE RECEPTVS AMANS.
  5. nunc a te, mea lux, veniet mea litore navis
  6. servato, an mediis sidat onusta vadis.
  7. quod si forte aliqua nobis mutabere culpa,
  8. vestibulum iaceam mortuus ante tuum!
  1. o me felicem! o nox mihi candida! et o tu
  2. lectule deliciis facte beate meis!