Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. quam multa apposita narramus verba lucerna,
  2. quantaque sublato lumine rixa fuit!
  3. nam modo nudatis mecum est luctata papillis,
  4. interdum tunica duxit operta moram.
  5. illa meos somno lapsos patefecit ocellos
  6. ore suo et dixit 'Sicine, lente, iaces?'
  7. quam vario amplexu mutamus bracchia! quantum
  8. oscula sunt labris nostra morata tuis!
  9. non iuvat in caeco Venerem corrumpere motu:
  10. si nescis, oculi sunt in amore duces.