Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. Dum tibi Cadmeae dicuntur, Pontice, Thebae
  2. armaque fraternae tristia militiae,
  3. atque, ita sim felix, primo contendis Homero
  4. (sint modo fata tuis mollia carminibus),
  5. nos, ut consuemus, nostros agitamus amores,
  6. atque aliquid duram quaerimus in dominam;
  7. nec tantum ingenio quantum servire dolori
  8. cogor et aetatis tempora dura queri.
  9. hic mihi conteritur vitae modus, haec mea famast,
  10. hinc cupio nomen carminis ire mei.
  11. me laudent doctae m placuisse puellae,
  12. Pontice, et iniustas saepe tulisse minas;
  13. me legat assidue post haec neglectus amator,
  14. et prosint illi cognita nostra mala.
  15. te quoque si certo puer hic concusserit arcu—
  16. quo nollem nostros me violasse deos!—