Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. pro quo continui montes et frigida rupes
  2. et datur inculto tramite dura quies;
  3. et quodcumque meae possunt narrare querelae,
  4. cogor ad argutas dicere s aves.
  5. sed qualiscumque's, resonent mihi 'Cynthia' silvae,
  6. nec deserta tuo nomine saxa vacent.
  1. Non ego nunc tristis vereor, mea Cynthia, Manes,
  2. nec moror extremo debita fata rogo;
  3. sed ne forte tuo careat mihi funus amore,
  4. hic timor est ipsis durior exsequiis.
  5. non adeo leviter nostris puer haesit ocellis,
  6. ut meus oblito pulvis amore vacet.