Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. illic si qua meum sepelissent fata dolorem,
  2. ultimus et posito staret amore lapis,
  3. illa meo caros donasset funere crines,
  4. molliter et tenera poneret ossa rosa;
  5. illa meum extremo clamasset pulvere nomen,
  6. ut mihi non ullo pondere terra foret.
  7. at vos, aequoreae formosa Doride natae,
  8. candida felici solvite vela choro:
  9. si quando vestras labens Amor attigit undas,
  10. mansuetis socio parcite litoribus.
  1. Haec certe deserta loca et taciturna querenti,
  2. et vacuum Zephyri possidet aura nemus.