Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. nec tibi praeteritos passast succedere fastus,
  2. nec sinet: addictum te tuus ardor aget.
  3. nec mirum, cum sit Iove dignae proxima Ledae
  4. et Ledae partu gratior, una tribus;
  5. illa sit Inachiis et blandior heroinis,
  6. illa suis verbis cogat amare Iovem.
  7. tu vero quoniam semel es periturus amore,
  8. utere: non alio limine dignus eras.