Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. non ego complexus potui diducere vestros:
  2. tantus erat demens inter utrosque furor.
  3. non sic Haemonio Salmonida mixtus Enipeo
  4. Taenarius facili pressit amore deus,
  5. nec sic caelestem flagrans amor Herculis Heben
  6. sensit ab Oetaeis gaudia prima rogis.
  7. una dies omnis potuit praecurrere amantes:
  8. nam tibi non tepidas subdidit illa faces,