Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. una dies omnis potuit praecurrere amantes:
  2. nam tibi non tepidas subdidit illa faces,
  3. nec tibi praeteritos passast succedere fastus,
  4. nec sinet: addictum te tuus ardor aget.
  5. nec mirum, cum sit Iove dignae proxima Ledae
  6. et Ledae partu gratior, una tribus;
  7. illa sit Inachiis et blandior heroinis,
  8. illa suis verbis cogat amare Iovem.
  9. tu vero quoniam semel es periturus amore,
  10. utere: non alio limine dignus eras.
  11. qui tibi sit felix, quoniam novus incidit, error;
  12. et quotcumque voles, una sit ista tibi.