Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. Milanion nullos fugiendo, Tulle, labores
  2. saevitiam durae contudit Iasidos.
  3. nam modo Partheniis amens errabat in antris,
  4. rursus in hirsutas ibat et ille feras;
  5. ille etiam Hylaei percussus vulnere rami
  6. saucius Arcadiis rupibus ingemuit.
  7. ergo velocem potuit domuisse puellam:
  8. tantum in amore fides et benefacta valent.