Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. in me tardus Amor non ullas cogitat artes,
  2. nec meminit notas, ut prius, ire vias.
  3. at vos, deductae quibus est pellacia lunae
  4. et labor in magicis sacra piare focis,
  5. en agedum dominae mentem convertite nostrae,
  6. et facite illa meo palleat ore magis!
  7. tunc ego crediderim Manes et sidera vobis
  8. posse Cytinaeis ducere carminibus.