De Rerum Natura

Lucretius

-

  1. corpora sensiferos motus in corpore, tanta
  2. intervalla tenere exordia prima animai.
  3. nam neque pulveris inter dum sentimus adhaesum
  4. corpore nec membris incussam sidere cretam,
  5. nec nebulam noctu neque arani tenvia fila
  6. obvia sentimus, quando obretimur euntes,
  7. nec supera caput eiusdem cecidisse vietam
  8. vestem nec plumas avium papposque volantis,
  9. qui nimia levitate cadunt plerumque gravatim,
  10. nec repentis itum cuiusvis cumque animantis
  11. sentimus nec priva pedum vestigia quaeque,
  12. corpore quae in nostro culices et cetera ponunt.
  13. usque adeo prius est in nobis multa ciendum
  14. quam primordia sentiscant concussa animai,
  15. semina corporibus nostris inmixta per artus,
  16. et quam in his intervallis tuditantia possint
  17. concursare coire et dissultare vicissim.
  18. Et magis est animus vitai claustra