Pro Fonteio

--- hoc praetore oppressam esse aere alieno[*](aere alieno ς: alieniso V ) Galliam. A quibus versuras tantarum pecuniarum factas[*](factas χl: tactas V: tractas k ) esse dicunt? a Gallis? nihil minus. A quibus igitur? A civibus Romanis qui negotiantur in Gallia. cur eorum verba non [*](non ς: om. V ) audimus? cur eorum tabulae nullae proferuntur? insector ultro atque insto accusatori, iudices; insector, inquam, et flagito[*](flagitio Vχ1 ) testis. plus ego in hac causa laboris et operae consumo in poscendis testibus quam ceteri defensores in refutandis. audaciter [*](audaciter V: audacter ς ) hoc dico, iudices, non temere confirmo. Referta Gallia negotiatorum est, plena civium Romanorum. nemo Gallorum sine cive Romano quicquam negoti gerit, nummus in Gallia nullus sine civium Romanorum tabulis commovetur.