Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. haec tibi non tribuo munera, cum nequeo.
  2. nam quod scriptorum non magna est copia apud me,
  3. hoc fit quod Romae vivimus: illa domus,
  4. illa mihi sedes, illic mea carpitur aetas;
  5. huc una ex multis capsula me sequitur.
  6. quod cum ita sit, nolim statuas nos mente maligna
  7. id facere aut animo non satis ingenuo
  8. quod tibi non utriusque petenti copia parta est:
  9. ultro ego deferrem, copia si qua foret.
  1. non possum reticere, deae, qua me Allius in re
  2. iuverit aut quantis iuverit officiis,
  3. ne fugiens saeclis obliviscentibus aetas
  4. illius hoc caeca nocte tegat studium:
  5. sed dicam vobis, vos porro dicite multis
  6. milibus et facite haec charta loquatur anus
  7. ---
  8. notescatque magis mortuus atque magis,
  9. nec tenuem texens sublimis aranea telam
  10. in deserto Alli nomine opus faciat.
  11. nam mihi quam dederit duplex Amathusia curam
  12. scitis, et in quo me corruerit genere,
  13. cum tantum arderem quantum Trinacria rupes
  14. lymphaque in Oetaeis Malia Thermopylis,
  15. maesta neque adsiduo tabescere lumina fletu
  16. cessarent tristique imbre madere genae,