Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  • unguentate glabris marite
  • abstinere: sed abstine.
  • o Hymen Hymenaee io,
  • o Hymen Hymenaee.
  • scimus haec tibi quae licent
  • sola cognita: sed marito
  • ista non eadem licent.
  • o Hymen Hymenaee io,
  • o Hymen Hymenaee.
  • nupta, tu quoque quae tuus
  • vir petet cave ne neges,
  • ne petitum aliunde eat.
  • o Hymen Hymenaee io,
  • o Hymen Hymenaee.
  • en tibi domus ut potens
  • et beata viri tui:
  • quae tibi sine serviat
  • (o Hymen Hymenaee io,
  • o Hymen Hymenaee).
  • usque dum tremulum movens
  • cana tempus anilitas
  • omnia omnibus adnuit.
  • o Hymen Hymenaee io,
  • o Hymen Hymenaee.
  • transfer omine cum bono
  • limen aureolos pedes,
  • rasilemque subi forem.
  • o Hymen Hymenaee io,
  • o Hymen Hymenaee.
  • adspice unus ut accubans
  • vir tuus Tyrio in toro
  • totus immineat tibi.
  • o Hymen Hymenaee io,
  • o Hymen Hymenaee.
  • illi non minus ac tibi
  • pectore uritur intimo
  • flamma, sed penite magis
  • o Hymen Hymenaee io,
  • o Hymen Hymenaee.