Trinummus

Plautus, Titus Maccius

Plautus. Leo, Friedrich

  1. nunc condicionem hanc, quam ego fero et quam abs te peto,
  2. dare atque accipere, Lesbonice, te volo.
  3. di divites sunt, deos decent opulentiae
  4. et factiones, verum nos homunculi,
  5. satillum animai qui quom extemplo emisimus,
  6. aequo mendicus atque ille opulentissimus
  7. censetur censu ad Acheruntem mortuos.
Stas.
  1. Mirum quin tu illo tecum divitias feras.
  2. ubi mortuos sis, ita sis ut nomen cluet.
Phil.
  1. Nunc ut scias hic factiones atque opes
  2. non esse neque nos tuam neglegere gratiam,
  3. sine dote posco tuam sororem filio.
  4. quae res bene vortat—habeon pactam? quid taces?
Stas.
  1. Pro di immortales, condicionem quoius modi.
Phil.
  1. Quin fabulare di bene vortant, spondeo?
Stas.
  1. Eheú ubi usus nil erat dícto, spondeo
  2. dicebat; nunc hic, quom opus est, non quit dicere.
Lesb.
  1. Quom adfinitate vostra me arbitramini
  2. dignum, habeo vobis, Philto, magnam gratiam.