Mostellaria

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Iam hercle ego vos pro matula habebo, nisi mihi matulam datis.
Philol.
  1. Perii.
Tr.
  1. Habe bonum animum: ego istum lepide medicabo metum.
Philol.
  1. Nullus sum.
Tr.
  1. Taceas: ego qui istaec sedem meditabor tibi.
  2. satin habes, si ego advenientem íta patrem faciam tuom,
  3. non modo ne intro eat, verum etiam ut fugiat longe ab aedibus?
  4. vos modo hinc abite intro atque haec hinc propere amolimini.
Philol.
  1. Vbi ego ero?
Tr.
  1. Vbi maxime esse vis: cum hác, cum istac eris.
Del.
  1. Quid si igitur abeamus hinc nos?
Tr.
  1. Non hoc longe, Delphium.
  2. nam intus potate hau tantillo hác quidem causa minus.
Philol.
  1. Ei mihi, quam ístaec blanda dicta quo evenant madeo metu.