Mostellaria

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Qui malas oblinam.
Sc.
  1. Vna operá ebur atramento candefacere postules.
Philol.
  1. Lepide dictum de atramento atque ebore. euge, plaudo Scaphae.
Philem.
  1. Tum tu igitur cedo purpurissum.
Sc.
  1. Non do. scita es tu quidem.
  2. nova pictura interpolare vis opus lepidissimum?
  3. non istanc aetatem oportet pigmentum ullum attingere,
  4. neque cerussam neque melinum, neque aliam ullam offuciam.
Philem.
  1. Cape igitur speculum.
Philol.
  1. Ei mihi misero, savium speculo dedit.
  2. nimis velim lapidem, qui ego illi speculo diminuam caput.
Sc.
  1. Linteum cape atque exterge tibi manus.
Philem.
  1. Quid ita, obsecro?
Sc.
  1. Vt speculum tenuisti, metuo né olant argentum manus: