Captivi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. nil morantur iam Lacones unisubselli viros,
  2. plagipatidas, quibus sunt verba sine penu et pecunia:
  3. eos requirunt, qui libenter, quom ederint, reddant domi;
  4. ipsi obsonant, quae parasitorum ante erat provincia,
  5. ipsi de foro tam aperto capite ad lenones eunt
  6. quam in tribú aperto capite sontes condemnant reos;
  7. neque ridiculos iam terrunci faciunt, sese omnes amant.
  8. nám uti dudum hinc abii, accessi ad adulescentes in foro.