Captivi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. ille miserrimust, qui cum esse cupit, tum quod edit non habet.
  2. nam hercle ego huic die, si liceat, oculos effodiam libens,
  3. ita malignitate oneravit omnis mortalis mihi;
  4. neque ieiuniosiorem neque magis ecfertum fame
  5. vidi nec quoi minus procedat quidquid facere occeperit,
  6. ita venter gutturque resident esurialis ferias.
  7. ilicet parasiticae arti maximam malam crucem,
  8. ita iuventus iam ridiculos inopesque ab se segregat.