Captivi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. atque horunc verborum causa caveto mi iratus fuas;
  2. sed, te quaeso, cogitato hinc mea fide mitti domum
  3. te aestimatum, et méam esse vitam hic pro te positam pignori,
  4. ne tu me ignores, quom extemplo meo é conspectu abscesseris,
  5. quom me servom in servitute pro ted hic reliqueris,
  6. tuque te pro libero esse ducas, pignus deseras
  7. neque des operam pro me ut huius reducem facias filium;
  8. scito te hinc minis viginti aéstumatum mittier.