Scholia in Lucianum

ἀλλ’ εἰᾶτε καθ’ ἑαυτοὺς πλουτεῖν — ὧν οὐδὲν ὄφελος] τοῦτο καὶ Δίων ὁ Προυσαεὺς ἐν τῷ Περὶ πλούτου [cf. 79, 6] φησίν. ~ Δ

ὡς δὲ νῦν ἔχετε κτλ.] σημείωσαι. ~ V

ψύττα: ἐπὶ τοῦ ταχέως ἀποδραμεῖν τάσσεται. ~ CRVΔ

μηδὲ πρὸς ἔπος λαμβάνοιεν: ἀντὶ τοῦ παρευθύς, ἢ ὅσα ᾔτησαν. ~ CVΔ

ἀναμνήσθητι τὸν Ἰξίονα κτλ.] σημείωσαι. ἱστορία. ~ V

Ἐν τούτῳ τῷ λόγῳ ἐξέφηνεν, ὡς ἐπιδείξεως ἄγαν κιττῶν τοὺς ἑαυτοῦ περιειργάζετο λόγους. ~ Vφ

Ἡροδότου κτλ.] σημείωσαι. ~ V

οἴκοθεν ἐκ τῆς Καρίας*] ἡ Ἁλικαρνασὸς γὰρ τῆς Καρίας. ~ Vφ

ὅπου τὰ τελευταῖα κτλ.] σημείωσαι. ~ V

ὅτιπερ ὄφελος*] ἀντὶ τοῦ οἱ μέγιστοι καὶ ἀξιωφελιμώτατοι. ~ VφM

παραθεωρῆτε*] ἀντὶ τοῦ συγκρίνητε, ἐξετάζητε. ~ Vφ

ὀνομάτων δὲ ἄρα κτλ.] ὡραῖον. ~ Γ

ὁ Ζεῦξις ἐκεῖνος κτλ.] σημείωσαι. ἱστορία. ~ V

δύναμιν τῆς τέχνης κτλ.] ὡραῖον. ~ Γ

ὁ μὲν γὰρ Ζεῦξις κτλ.] ἱστορία. ~ V

εἰδὼς γὰρ σφόδρα ἀλκίμους κτλ.] σφόδρα ὡραῖον. ~ V

ἐγὼ δὲ ὁ χρυσοῦς ἐπιλαθόμενος ὑγιαίνειν κτλ.] αἱ γάρτοι τῶν παλαιῶν προσρήσεις αἱ μὲν ἑωθιναὶ χαῖρε, αἱ δὲ ἑσπεριναὶ ὑγίαινε. ~ VCφ

παρ’* ἀλλήλων] ἀντὶ τοῦ ἀπ’ ἀλλήλων· ἡ παρά ἀντὶ τῆς ἀπό. ~ Vφ

τὸ γοῦν μακρὰ χαίρειν κτλ.] σημείωσαι. χρήσιμον. ~ V

καὶ τοῦτο εἰπὼν κτλ.] σημείωσαι. ~ Γ