Epistulae

Libanius

Libanius. Libanius Opera, Vol 10-11. Foerster, Richard, editor. Leipzig: Teubner, 1921-1963.

Ἀλλ’ εἰ καὶ μὴ πάσης τῆς ἐπιθυμίας, τοῦ γε ἡμίσεος ἀπολαύεις. τῆς γὰρ πόλεως ἡμῶν ἐρῶν ἔχεις αὐτῆς οὐκ ὀλί- γον τὸν καλὸν Πρισκιανόν, ᾧ τῶν σῶν ἔμελε πόνων, οὗ προβάλλοντος ἤκουες, ὅς, ὅτε ἐπῄνεις Μόδεστον, οἷς ἔλε- γες περιέθηκε δόξαν.

ἀμείβου δὴ τὸν ἄνδρα εὐφημίαις καὶ δίδασκε τὴν φιλτάτην Ἄγκυραν, τίς οὑτοσὶ τοὺς λόγους καὶ τὰ τῶν τρόπων ἤθη. πάντως δὲ αὐτῶν τὸ ἕρμαιον ἀνὴρ ἐπιστάμενος λέγειν.

οἶμαι δέ σε τῶν παιδικῶν αὖθις ἕξε- σθαι, τῆς ὁδοῦ τὴν αἰτίαν εἰ μάθοις. πόθος ἔλαβε τὸν βα- σιλέα τῆς τούτου γλώττης. καὶ τὸ κρατεῖν ἐν τοῖς ἀγῶσιν ἐκείνοις αὐτό τε μέγα καὶ μειζόνων ἀρχὴ γίνεται.

πρὸς ταῦτα ὁρῶν τις μὴ νομιζέτω ῥητορικὴν ἄτιμον, ἰσχυρὸν γάρ ἐστι παρ’ οἷς ὄντως ἔστι, καὶ πρὸς τοὺς ὑπερορῶντας ἔχει λέγειν· ἔτι μοι μένος.

[*](4 Vi α΄, μδ΄. Vo α΄, μθ΄. S ε΄, ις΄. pr)[*](2 II. ι 557. [Apollod.] bibl. I 7, 9 6 cf. ep. 62 p. 61, 2sq. Sievers 81 not. 64. Seeck 60. 866. Silomon 38. 29 8 Seeck 244 9 Seeck 218 12 [Isocr.] ad Demon. § 4 p. 2 d 19 II. ε 264. Od. φ 426)[*](2 θεοῦ] δαίμονος S 8 ἔμελε V sed λε in ras ἔμελλε VoS 9 οὓς V sed οὑ suprascr m 5 οὐ Vo sed in οὖ corr m 2 | ἤθελες libri sed ἤκουες suprascr Vo 2, pr corr Spanh 10 τῆς εὐφη- μiας Re 12 αὐτῶν V sed ῶν in ras m 5 m 5 τὸ 16 τοῦτον V 16 ἐκείνοις. ὐτό Wolf | αὐτῶ VS | τὶ V | τῶν ante μειζόνων Wolf 19 ἔστι V sed σ inser m 5, S)
63