Epistulae
Libanius
Libanius. Libanius Opera, Vol 10-11. Foerster, Richard, editor. Leipzig: Teubner, 1921-1963.
Εἰ πολίτῃ δίκαιον βοηθεῖν, διπλοῦν τοῦτο νυνὶ γίγνεται τὸ δίκαιον. εἴτε γὰρ Ἀντιοχεὺς ὁ Καλλιόπιος καλοῖτο, δεῖ δή- που με συμμαχεῖν· εἴτ’ ἀπὸ τῆς μείζονος, ἐγγέγραμμαι παρ’ αὐτοῖς, ὥστε καὶ ταύτῃ βοηθητέον. τὸ δέ γε ἔτι μεῖζον, χρη- στὸς ἀνὴρ καὶ δόξαν ἀπὸ τοῦ φυλάττειν τὰς φιλίας λαβών.
καὶ γάρ τοι πένης ἐλθὼν ἐκεῖσε καὶ δοὺς τῆς φύσεως πεῖ- ραν τὰ τῶν εὐδαιμόνων ἅπαντα εἶχε. τοῦ δὲ καὶ τοῦτο ἐπῃ- νεῖτο, ὅτι πλείω λαμβάνειν ἐξὸν ἠσπάζετο τοὔλαττον.
γί- νεται δὴ καὶ πάρεδρος ἀκολουθῶν φίλῳ, Προβατίῳ τῷ καλῷ. καὶ καλὴν ἀρχὴν ὁ Φθόνος ἔβαλεν. ὅθεν δὴ καὶ τάδε συμ- βέβηκεν, ἃ δὴ πάρεστιν ὁρᾶν. μᾶλλον δέ, οὐ πάντα δυσχερῆ· τῇ γὰρ ἀληθείᾳ προσέθετο βασιλεὺς καὶ λύει τὴν ταραχήν·
ἀλλ’ οἶσθα δι’ ἧς ἔρχεται ψήφου τἀκείνου γράμματα καὶ ὡς ἥ κυρία καὶ βεβαιῶσαι καὶ μή. ταύτην οὖν ὅπως προσ- λάβοιμεν, σκόπει. πάντα δ’ ἂν γένοιτο τῆς σῆς φρενός τε καὶ ῥώμης, τῆς μὲν ἀνευρισκούσης πόρον, τῆς δὲ ἐπὶ τὸ πέρας ἰούσης.
[*](5 VII α', ρ(?)ε'. Va γ', ιβ'. Vo γ', ιβ'. S δ', [νβ'])[*](1 Seeck 66 6 cf. ep. 216. Sievers 70 not. 45. Seeck 244. 372. Silomon 48 8 cf. ep. 216. 220. Seeck 99 9 Sievera 67 16 Seeck 99 sq. 16 cf. ep. 668 22 Plat. leg. VI p. 752 E)[*](7 τοῦτο acripsi e VaVo τούτῳ VS Wolf 11 ἁνὴρ coni Thal- heim 13 τοῦ δὲ scripsi e VVoS ut coni Re τοῦ Va Wolf 14 γίγνεται Va 16 φθόνος libri Wolf | ἔβαλεν Vo sed λ Bupra β et β snpra λ m 5 ἔλαβιν v sed λ et β in ras m 4 Ι τάδε Vo sed α ex ο corr m 5 τόδε Va τῷδε VS 20 ἦδε Va 22 „post ῥώμης videtur ἥττω deesse“ Re)