Fall of Troy

Quintus Smyrnaeus

Quintus Smyrnaeus. Fall of Troy. Way, Arthur S., editor. London: W. Heinemann; New York: The Macmillan Co., 1913.

  1. δῖα Θέτις· τὰ δʼ ἄρʼ αὖθις ἐελδόμενός περ ἔγωγε
  2. δώσω προφρονέως, ὁπότʼ Ἴλιον εἰσαφίκηαι.
  3. καί νύ σε καὶ Μενέλαος, ἐπὴν Πριάμοιο πόληα
  4. πέρσαντες νήεσσιν ἐς Ἑλλάδα νοστήσωμεν,
  5. αὐτίκα γαμβρὸν ἑὸν [*](Zimmermann, ex P for oi( gambro\n of Koechly.) ποιήσεται, ἢν ἐθέλῃσθα,
  6. ἀμφʼ εὐεργεσίης· δώσει δέ τοι ἄσπετʼ ἄγεσθαι
  7. κτήματά τε χρυσόν τε μετʼ ἠϋκόμοιο θυγατρός,
  8. ὅσσʼ ἐπέοικεν ἕπεσθαι ἐϋκτεάνῳ βασιλῆι.
  9. ὣς φάμενον προσέειπεν Ἀχιλλέος ὄβριμος υἱός·
  10. εἰ μὲν δὴ καλέουσι θεοπροπίῃσιν Ἀχαιοί,
  11. αὔριον αἶψα νεώμεθʼ ἐπʼ εὐρέα βένθεα πόντου,
  12. ἤν τι φάος Δαναοῖσι λιλαιομένοισι γένωμαι·
  13. νῦν δʼ ἴομεν ποτὶ δώματʼ ἐΰξεινόν τε τράπεζαν,
  14. οἵην περ ξείνοισι θέμις παρατεκτήνασθαι·
  15. ἀμφὶ δʼ ἐμοῖο γάμοιο θεοῖς μετόπισθε μελήσει.