Dionysiaca

Nonnus of Panopolis

Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.

  1. ἕβδομον ἱκεσίην πολιὴν Αἰῶνος ἀείδει καὶ Σεμέλην καὶ ἔρωτα Διὸς καὶ φώριον εὐνήν.
  2. ἤδη δʼ ἀενάοιο βίου παλιναυξέι καρπῷ
  3. ἄρσενα θηλυτέρῃ γόνιμον σπόρον αὔλακι μίξας
  4. ἄσπορον ἤροσε κόσμον Ἔρως, φιλότητος ἀροτρεύς·
  5. καὶ φύσις ἐρρίζωτο, τιθηνήτειρα γενέθλης,
  6. καὶ χθονὶ πῦρ κεράσασα καὶ ἠέρι σύμπλοκον ὕδωρ
  7. ἀνδρομέην μόρφωσε γονὴν τετράζυγι δεσμῷ.
  8. ἀλλὰ βίον μερόπων ἑτερότροπος εἶχεν ἀνίη
  9. ἀρχόμενον καμάτοιο καὶ οὐ λήγοντα μερίμνης.