Dionysiaca

Nonnus of Panopolis

Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.

  1. ἄλλος δʼ ἠερόφοιτον ἑὸν βέλος ὑψόσε πέμπων
  2. ἠλιβάτους ἐλέφαντας ὀνειρείῳ βάλεν ἰῷ.
  3. Πορδαλίων δὲ γένεθλα καὶ ἄργια φῦλα λεόντων
  4. καὶ κύνες ἀγρευτῆρες ἐρημονόμου Διονύσου
  5. εἶχον ἀμοιβαίης φυλακῆς ἄγρυπνον ὀπωπήν,
  6. πάννυχον ἐγρήσσοντες ὀρειάδος ἔνδοθεν ὕλης,
  7. μή σφιν ἐπαΐξειε μελαινομένων μόθος Ἰνδῶν·
  8. καὶ δαΐδες στοιχηδὸν ἐπαστράπτεσκον Ὀλύμπῳ,
  9. Βακχιάδος λαμπτῆρες ἀκοιμήτοιο χορείης.
  1. εἰκοστὸν κατὰ πέμπτον ἔχεις Περσῆος ἀγῶνα καὶ κρίσιν Ἡρακλῆος ἐς ἠνορέην Διονύσου.
  2. Μοῦσα, πάλιν πολέμιζε σοφὸν μόθον ἔμφρονι θύρσῳ·
  3. οὔ πω γὰρ γόνυ δοῦλον ὑποκλίνων Διονύσῳ
  4. φύλοπιν ἑπταέτηρον Ἑώιος εὔνασεν Ἄρης·
  5. ἀλλὰ δρακοντείοιο τεθηπότες ἄκρα γενείου
  6. Ἰνδῴης πλατάνοιο πάλιν κλάζουσι νεοσσοί,
  7. Βακχείου πολέμοιο προμάντιες. οὐ μὲν ἀείσω
  8. πρώτους ἓξ λυκάβαντας, ὅτε στρατὸς ἔνδοθι πύργων
  9. Ἰνδὸς ἔην· τελέσας δὲ τύπον μιμηλὸν Ὁμήρου
  10. ὕστατον ὑμνήσω πολέμων ἔτος, ἑβδομάτης δὲ
  11. ὑσμίνην ἰσάριθμον ἐμῆς στρουθοῖο χαράξω·