Dionysiaca

Nonnus of Panopolis

Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.

  1. καὶ δολιχῆς ἐλέλικτο περίπλοκος ὁλκὸς ἀκάνθης
  2. ποσσὶν ἀδειμάντοισι περισκαίρων Διονύσου·
  3. Ἰνδῴην δʼ ἑλικηδὸν ἐπισκαίροντες ἐρίπνην
  4. τίγριδες ἑψιόωντο· πολὺς δέ τις ἔνδοθι λόχμης
  5. ἐσμὸς ἀνεσκίρτησεν ὀρεσσινόμων ἐλεφάντων.
  6. καὶ τότε παιπαλόεντα κατʼ ἄγκεα Πᾶνες ἀλῆται
  7. δύσβατα λεπταλέῃσι διέτρεχον οὔρεα χηλαῖς
  8. φρικτά, τά μὴ θρασὺς ὄρνις ἐπέπτατο κοῦφος ὁδίτης---
  9. ὑψιπόρων πτερύγων διεμέτρεε δίζυγι παλμῷ
  10. καὶ δονέων πλοκαμῖδα παρήορον ἀνθερεῶνος
  11. σύννομος ἀντεχόρευε λέων βητάρμονι κάπρῳ·
  12. ἀνδρομέης δʼ ὄρνιθες ἀνέκλαγον εἰκόνα μολπῆς
  13. μιμηλὴν ἀτέλεστον ὑποκλέπτοντες ἰωήν,
  14. νίκην Ἰνδοφόνοιο προθεσπίζοντες ἀγῶνος,
  15. καὶ χλοεροῖς μελέεσσι παρήορον ὄρθιον οὐρὴν
  16. ἐκταδὸν αἰθύσσοντες· ὁμοζήλῳ δὲ χορείῃ
  17. πόρδαλις ὑψιπότητος ἐπέτρεχε σύνδρομος ἄρκτῳ.
  18. καὶ βαλίων σκυλάκων ἀνεσείρασεν Ἄρτεμις ὁρμὴν
  19. μειλιχίης ὁρόωσα χοροίτυπον ἅλμα λεαίνης·
  20. αἰδομένη δʼ εὔκυκλον ἑὴν ἀνελύσατο νευρήν,