Dionysiaca

Nonnus of Panopolis

Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.

  1. φωριαμοὺς ὤιξε θυώδεας· οἰγομένων δὲ
  2. μαρμαρυγὴ σελάγιζε πολυγλήνων ἀπὸ πέπλων·
  3. κεῖθεν ἑλὼν Σταφύλου βασιλήια φαιδρὰ τοκῆος
  4. δύσατο πορφυρέῳ πεπαλαγμένα φάρεα κόχλῳ,
  5. καὶ θαλίης ψαύοντι συνειλαπίναζε Λυαίῳ.
  6. τοῖσι δὲ τερπομένοισιν ἀνέδραμεν Ἕσπερος ἀστὴρ
  7. φέγγος ἀναστείλας χοροτερπέος ἠριγενείης.
  8. δαιτυμόνων δὲ φάλαγγες ἀμοιβαδὶς ἔνδοθεν αὐλῆς
  9. ὕπνου δῶρον ἕλοντο βαθυστρώτων ἐπὶ λέκτρων.