Epinicians

Bacchylides

Bacchylides. The Poems and Fragments. Jebb, Richard C., editor. Cambridge: Cambridge University Press, 1905.

  1. ποικίλαις τέχναις πέλασσεν·
  2. ἀλλʼ ἢ θεὸς αἴτιος, ἢ
  3. γνῶμαι πολύπλαγκτοι βροτῶν
  4. ἄ]μερσαν ὑπέρτατον ἐκ χειρῶν γέρας.
  5. νῦν δʼ Ἄρτεμις ἀγροτέρα
  6. χρυσαλάκατος λιπαρὰν
  7. ἡμέ]ρα τοξόκλυτος νίκαν ἔδωκε.
  8. τᾷ ποτʼ Ἀβαντιάδας
  9. βωμὸν κατένασσε πολύλ-
  10. λιστον εὔπεπλοί τε κοῦραι·
  11. τὰς ἐξ ἐρατῶν ἐφόβησεν
  12. παγκρατὴς Ἥρα μελάθρων
  13. Προίτου, παραπλῆγι φρένας
  14. καρτερᾷ ζεύξασʼ ἀνάγκᾳ·
  15. παρθενίᾳ γὰρ ἔτι
  16. ψυχᾷ κίον ἐς τέμενος