Eumenides

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. τούτοις ἀμείβου πᾶσιν εὐμαθές τί μοι.
Ὀρέστης
  1. ἄνασσ᾽ Ἀθάνα, πρῶτον ἐκ τῶν ὑστάτων
  2. τῶν σῶν ἐπῶν μέλημ᾽ ἀφαιρήσω μέγα.
  3. οὐκ εἰμὶ προστρόπαιος, οὐδ᾽ ἔχων[*](ἔχων Wieseler: ἔχει codd.) μύσος
  4. πρὸς χειρὶ τἠμῇ τὸ σὸν ἐφεζόμην[*](ἐφεζόμην Wieseler: ἐφεζομένη codd.) βρέτας.
  5. τεκμήριον δὲ τῶνδέ σοι λέξω μέγα:
  6. ἄφθογγον εἶναι τὸν παλαμναῖον νόμος,
  7. ἔς τ᾽ ἂν πρὸς ἀνδρὸς αἵματος καθαρσίου
  8. σφαγαὶ καθαιμάξωσι νεοθήλου[*](καθαιμάξωσι Fa, νεοθήλου Turnebus: καθαιμάξουσινοθήλου M) βοτοῦ.
  9. πάλαι πρὸς ἄλλοις ταῦτ᾽ ἀφιερώμεθα
  10. οἴκοισι, καὶ βοτοῖσι καὶ ῥυτοῖς πόροις.
  11. ταύτην μὲν οὕτω φροντίδ᾽ ἐκποδὼν λέγω.
  12. γένος δὲ τοὐμὸν ὡς ἔχει πεύσει τάχα.